حق الجار

السلام عليكم ورحمه الله وبركاته 

طبعا لو اللى بيقرأ كلامى ده وعمره معدى الثلاثين هيحس بيه ايام زمان كان الجار البعيد يروح يسال ع حاره القريب والجار القريب يسال ع البعيد دا غير المناسبات وغير الاعياد والمواسم كان فى عادة موجوده وهيا ان كل ست بيت بتطبخ شئ تودي لجارتها منه والطبق ميرجعش فاضي يااااسلام شايفين بالذمه ده ميقويش علاقه الناس دى طيب تعالي وخلى جار يقع فى مشكله كدا تلاقي اهل الحته كلها فى ضهره وواقفين جمبه يقووه ويساندوه ولو فى حاله وفاه يقفوا جمبه وياخدوا بخاطره ويراعوا زعله وحزنه انهم ميشغلوش اغانى ولا تليفزيون وحتى لو في معاد فرح بيتأجل وكان فى جار يروح للى عندهم الفرح يقولهم مالكوش دعوه اعملوا فرحكوا ف معاده شايفين الحب ولو جار قةعد فى مكان وسيرة جاره جات يذكره بالخير دي ايام الخير والضمير ونيجي بقى لدلوقتي حق الجار تحت الجذم جار مين ياعم وبتاع مين ازعاج للجار باصوات عاليه ووقت نوم وكمان الجار لازق فى الجار ومحدش يعرف عندن ايه ومشاكل ايه في مقوله دلوقتي يقولك كل واحد فى حاله ليه ياجماعه احنا هنقف حمب بعض بس مش هنحسد ولا هنقر سبونا نساعد بعض سبونا نىجع ايام زمان مش كدا متخافوش م هنعد الفلوس اللي عندكم ولا هندخل التلاجه بتاعتكم صدقونا هنتمنالكم الخير ميبقاش قلوبكم سوده كدا لو وقعت مافي غيري هيشيلك ويساعدك..  المهم نكمل تعالي وخلى واحد يبقي عنده حاله وفاه وجاره عنده فرح يشغل اغاني عادي والفرح فى معاده عادي دي نكره ودي نكره والحى ابقي من الميت وخليه تعبان فى مستشفى ولا حد هيسال غير اهله وغير اذيه الجار بقي تلاقي طير من عند ده نازل بياكل عند ده وخارب الدنيا ولو ده اشتكي لده يقوله انا اعملك ايه وسايب طيره يخرب عند جاره وميثال تاني لو النور قكع دلوقتي تلاقيه مشغل مكنه كهربا وحاطتها بره بيته او خارج العقار وداوش بيها جاره واللي فى وقت النوم ونازل دق بشاكوش واللي جايب صنايعي شغال ونازل تهبيد وبيكسر ولا شاغله جاره وعنده ايه وامثله كتيييير ياجماعه والله الدنيا متفاته وصعب اللي يتكسر يتصلح ولو اتصلح بيترك اثر صفوا نواياكم ظبطوا معاملتكم مع جيرانكم اسالوا على بعض وراعوا جرح بعض اتقوا الله فى الدنيا عشان الأخره قربت 

السلام عليكم ورحمه الله وبركاته.